انهارده وانا بفتح الفاس بوك بتاعي شوفت البروفيل بتاع صديق قديم ليا مشفتوش من زمان يعني حوالي 6 سنين
انا اتعرفت علية في سنة 1997 في فرقة الناس ( فرقة مسرحية ) انا اتعرفت علية وكان كويس بس مكنش يعني صحبي اوي
بس لما سافرنا نعرض مسرحية في مكتبة الاسكندرية وقضينا حوالي اربع ايام في اسكندرية اتعرفت علية اكتر وحباته عشان هو فنان بجد وبيبزل مجهود كبير عشان الفن ده انا كنت بمارس الفن عشان بحبة بس بصراحة مكنش عندي وقت كتير لية ويعني الشغل والحياة الاسرية خدتني من الفن . لما شوفت البروفيل بتاعة لقيته خد جايزة اخراج في مهرجان في اليونان خد المركز الثاني
بجد
انا فرحت اوي عشانة عشان هو فنان فعلا وبيضحي بوقت وجهد وفلوس برده عشان بيحب فنة وانا من زمان كنت وصلت لقناعة ان الفنان هو اللي يبقي عنده الموهبة وعنده الاصرار انه يمارس موهبتة دي ويضحي عشنها بحجات كتير . وهو كان عنده اصرار جامد عشان فنه دي صديقي ده اسمو هاني هفيفي كل ما الفنان ميكون صادق وصافي من جواه كل ما يبدع في فنة وهاني صادق وصافي جداا
الف مبروك يا هاني وان شاء الله تكمل والواحد يتفاخر بيك ادام الناس
هاني حصل علي الجائزة الاخراج الثانية في مهرجان مدارس المسرح اليونانية عن مسرحية ( سجن سقراط المصري )
ليست هناك تعليقات:
إرسال تعليق