القاهرة تحترق

السبت السابع والعشرين من سبتمبر2008
حريق المسرح القومي بالعتبة
يأتي حريق المسرح القومي بالعتبة بعد حريق مبني مجلس الشوري بتاريخ 19اغسطس2008 اي بعد 38يوم
بعد كل ما قيل عن حريق مجلس الشوري...... حريق تاريخ مصر السياسي.. اللبرالي
بعد ما اصبح ليل القاهرة في يوم 19اغسطس2008 كأيب.. ظلمة .. تلمع فية نار تلتهم سجلات التاريخ و جدار الماضي

نار تنور ليل طـــــــــــــــــــويل داكن من غير قمر & نار تنور. توضح..تفضح.. توريني اد اية الليل غامق عتمة ملوش نهار

يأتي يوم السبت السابع والعشرين من سبتمبر2008

ومعة حريق المسرح القومي بعد وعود الحكومة بتأمين وانشاء انظمة امن واطفاء حديثة للمباني الهامة في العاصمة

المسرح القومي التراز بتاعة من جوة اسلامي تحفة

ليه قبة كبيرة غاية في الروعة..

مرة كنا بنعمل بروفة في قاعة عبد الرحيم الذرقاني

نذلت ووقف علي خشبة المرسح منظر روعة

زي افلام فريد الاطرش وعبد الحليم وام كلثوم

لما يحيو الجمهور وانت واقف علي خشبة المسرح

تشوف الصالة كبيرة تحفة عبارة عن دائرة مستطيلة

بالنسبة لي الجمهور । الدور التاني للبلكون لكل اربع افراد بلكون وفية في الاستراحة حجرات كبيرة كلها ديكور اسلامي وصالونات ارابسك

لاستراحة الجمهور بين فصول المسرحية او فواصل الغناء ايام ام كلثوم

مسرح تحفة

واتحرق

زعلت طبعا علي مجلس الشوري عشان تاريخ مصر.

بس المسرح القومي قلبي وجعني اوي عشان تاريخ مصر طبعا بس الفرق اني شوفت ولمست التاريخ ده وكان ليا فية زكريات معظمها اوقات جميلة

بحبك ومش طايئق

بحبك وارفـــــان منك

كرهتك

بحبك وزهقت من حبك

بحبك ....وانتي ............ كرهاني

بحبك.....وانتي................نسياني

بحبك......وانتي...............ظلماني

بحبك.......وانتي..............طرداني

بحبك وملأت منك

بحبك وكأنك جوايا

بحبك وكأني جواكي

بحبك

يخرب بيت امــــــــــــــــــك

مش عايز اكون جواكي

نفسي اكون براكي

واسمع عنك وطن نش

وان سألوني عنك

منهوبة

مسروقة

مسلوبة منك الحياة

قاهرة لأولادك

طاغية لعشائق

الكوسة فيكي كتير .....مبتتاكلش

البتنجان فيكي غلي وبقي رخيص

جيفارا

السيد لطفي لبيب رئيس مجلس الوزارء

وزارة ما تمت
الفنان لطفي لبيب
امبارح بعد الفطار اتفرجت علي برنامج وزارة ما تمت كان الفنان لطفي لبيب رئيس الوزاراء
بسراحة الفنان لطفي لبيب قال حاجات مهمة اوي
كل محافظة لها ميزانية خاصة بيها
في كل محافظة تمثيل للوزارات
الوزير يكون المقر بتاعة متنقل
كل ३ شهور في محافظة
يعني في حاجات كتير قولها كويسة جداا
اهم اللي قوله
ان الحكومة تعمل قروض للشباب وسداد القروض
مش فلوس بل منتجات المشروع نفسة
يعني اللي خد قرض لمركب صيد
يسدد ثمن المركب سمك
حاجة غريبة فية ناس كتير بتفكر
واضح ان الحكومة الوحيدة اللي مش بتفكر

جيفارا

قالولي بتحب مصر فقلت مش عارف

قالولي بتحب مصر فقلت مش عارف

أنا لما اشوف مصر ع الصفحة بكون خايف

ما يجيش في بالي هرم ما يجيش في بالي نيل
ما يجيش في بالي غيطان خضرا وشمس أصيل
ولا جزوع فلاحين لو يعدلوها تميل
حكم الليالي ياخدهم في الحصاد محاصيل
ويلبّسوهم فراعنة ساعة التمثيل
وساعة الجد فيه سخرة وإسماعيل
ما يجيش في بالي عرابي ونظرته في الخيل
وسعد باشا وفريد وبقيّة التماثيل
ولا ام كلثوم في خِمسانها ولا المنديل
الصبح في التاكسي صوتها مبوظُّه التسجيل
ما يجيش في بالي العبور وسفارة اسرائيل
ولا الحضارة اللي واجعة دماغنا جيل ورا جيل
قالولي بتحب مصر أخدني صمت طويل
وجت في بالي ابتسامة وانتهت بعويل

تيم البرغوثي

ابو الهول

ابو الهول



عارف انك سمعني
عارف انك شيفني
اصلي عرفك
اصلي زيك
سكتوك وسكتوني
سجنوك وسجنوني
صلبوك وصلبوني
ابو الهول
يمكن فــ يوم تصرخ
يمكن فــ يوم تقول ملليت
يمكن تقوم تهد الحيط
يمكن عمرك ما بكيت
اصلك حر
صدقي حر
ملكش اب يأمرك
وبالعصاية يضربك
ملكش ام تخاف عليك
وتخايف فــ يوم تبكي عليك
ملكش ابن تخاف علية
وتخاف حيعمل بكرة اية
انت ساكت لية
حذين
بتتألم
نفسك تقول الأه...... ومش قادر
نفسك نحس بيك ومش قادرين
نفسك ماتتصورش
نفسك مانرقص ادامك
نفسك نعرف مقامك
كرهت سكوتك وبرتحلك
اصلي عذرك
اصلك حجر ويمكن تكون بقلب بشر
واحنا بشر ويمكن نكون بقلب حجر


جيفارا

مجرد معلومة

بعد القاء الحجارة علي محافظ القاهرة ووزير الاسكان في الدويقة تم تسليم شقق لأهالي الدويقة فورا

بعد احداث الشغب في المحلة تم صرف مكافأة فورية لعمال المحلة و وعد بتحديث مكن المصانع

جيفارا

مجرد معلومة

التنامي السياسي المتزايد لدولة قطر في القضايا والساحات العربية

انكماش سياسي متزايد للدور المصري في الساحة العربية

جيفارا

كوسة

قضاة: تعيين ابن مقبل شاكر في النيابة رغم تخرجه من كلية الحقوق بتقدير مقبول 9/2/2008 10:44:00 PM

القاهرة- يتداول قضاة بيانا بدرجات وتقديرات أيمن مقبل شاكر، نجل المستشار مقبل شاكر، رئيس محكمة النقض ورئيس مجلس القضاء الأعلي، يوضح أنه تخرج في كلية الحقوق جامعة القاهرة بتقدير مقبول.

وقال مصدر قضائي بارز لصحيفة البديل: إن المستند المنسوب صدوره إلي كلية الحقوق، يوضح أن نجل رئيس النقض تعثر في دراسته، وحصل علي الليسانس بعد 7 سنوات، وبعدها تم تعيينه في مجلس الدولة لمدة شهرين، قبل نقله إلي النيابة العامة، وفي نيابات المعادي، التي يتم تعيين أوائل الخريجين فيها.

وأضاف: "إن رئيس النقض نفي وجود أي وساطة في تعيينات النيابة العامة، وقال في تصريحات صحفية، إن معاملة أبناء المستشارين تتم كغيرهم، وفقًا للقانون"، وأن بعض أوائل كليات الحقوق الحاصلين علي امتياز مع مرتبة الشرف في الكلية لا يعرفون شيئًا عن القانون.

وأكد المصدر أنه تم تعيين نجل مستشار بارز بمجلس الشعب، كان يحتل منصبا قريبا من الرئاسة، في 4 هيئات قضائية دفعة واحدة، رغم حصوله علي 51% في كلية الحقوق عام 1990 وقال: وهو يستقر حاليا في مجلس الدولة॥ فما الميزة أو الكفاءة التي يتميز بها نجل المستشار الحاصل علي 51%، حتي تتهافت عليه الهيئات القضائية»
منقول من مصراوي

مسرحية حسن مرقص وكوهين

مسرحية حسن مرقص وكوهين







وانا بتفرج علي المسرحية لاحظت حاجة ان نقابة العاملين في الصيدليات بيمورو علي العاملين ويعرفو شكواهم .
تاني..
نقابة العاملين في الصيدليات بيمورو علي العاملين ويعرفو شكواهم .
ولاحظ برده ان في قرار عسكري بزيادة المرتبات 20% بسبب الغلاء لظروف الحرب العالمية.
تاني..
قرار عسكري بزيادة المرتبات 20% بسبب الغلاء لظروف الحرب العالمية.
يا تري المسرحية دي كانت سنة كااااااااام

جيفارا

تعليق على ما حدث في مخيم الوحدات

-1-

قلت لكم مرارا
إن الطوابير التي تمر..
في استعراض عيد الفطر والجلاء
(فتهتف النساء في النوافذ انبهارا)
لا تصنع انتصارا.
إن المدافع التي تصطف على الحدود، في الصحارى
لا تطلق النيران.. إلا حين تستدير للوراء.
إن الرصاصة التي ندفع فيها.. ثمن الكسرة والدواء:
لا تقتل الأعداء
لكنها تقتلنا.. إذا رفعنا صوتنا جهارا
تقتلنا، وتقتل الصغارا !

-2-

قلت لكم في السنة البعيدة
عن خطر الجندي
عن قلبه الأعمى، وعن همته القعيدة
يحرس من يمنحه راتبه الشهري
وزيه الرسمي
ليرهب الخصوم بالجعجعة الجوفاء
والقعقعة الشديدة
لكنه.. إن يحن الموت..
فداء الوطن المقهور والعقيدة:
فر من الميدان
وحاصر السلطان
واغتصب الكرسي
وأعلن "الثورة" في المذياع والجريدة!

-3-

قلت لكم كثيراً
إن كان لابد من هذه الذرية اللعينة
فليسكنوا الخنادقَ الحصينة
(متخذين من مخافر الحدود.. دوُرا)
لو دخل الواحدُ منهم هذه المدينة:
يدخلها.. حسيرا
يلقى سلاحه.. على أبوابها الأمينة
لأنه.. لا يستقيم مَرَحُ الطفل..
وحكمة الأب الرزينة..
مع المُسَدسّ المدلّى من حزام الخصر..
في السوق..
وفى مجالس الشورى

* * *

قلت لكم..

لكنكم..
لم تسمعوا هذا العبث
ففاضت النار على المخيمات
وفاضت.. الجثث!
وفاضت الخوذات والمدرعات.

سبتمبر 1970

امل دنقل

سبتمبر 1970

انا شاب

أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!

صلاح جاهين

صرخة جيفارا

1968
جيفارا مات
آخر خبر فى الراديوهات
وفى الكنايس
وفى الجوامع
وفى الحوارى
والشوارع
وع القهاوى و ع البارات
جيفارا مات
واتمد حبل الدردشه والتعليقات
*****
مات المناضل المثال
ياميت خساره على الرجال
مات الجدع فوق مدفعه جوه الغابات
جسد نضاله بمصرعه ومن سكات
لا طبالين يفرقعوا ولااعلانات
مارأيكم دام عزكم يا أنتيكات
ياغرقانين فى المأكولات والملبوسات
يادفيانين ومولعين الدفايات
يامحفلطين ياملمعين ياجيمسينات
يابتوع نضال آخر زمن فى العوامات
مارأيكم دام عزكم
جيفارا مات
****
لا طنطنه ولاشنشنه ولا اعلامات واستعلامات
عينى عليه ساعة القضا من غير رفاق تودعه
يطاع انينه للفضا يزعق
ولا مين يسمعه
يمكن صرخ من لألم
من لسعة النار ف الحشا
يمكن ضحك او ابتسم او ارتعش او انتشى
يمكن لفظ آخر نفس
كلمة وداع لجل الجياع
يمكن وصيه للى حاضنين القضيه
فى الصراع صور كتير ملو الخيال
وألف مليون احتمال
لكن أكيد أكيد أكيد
ولاجدال جيفارا مات
موتة رجال
*****
ياشغالين ومحرومين
يامسلسلين رجلين وراس
خلاص خلاص مالكوش خلاص
غير البنادق والرصاص
دا منطق العصر السعيد
عصر الزنوج الأمريكان
الكلمه للنار والحديد
والعدل أخرس أو جبان
صرخة جيفارا ياعبيد
فى أى موطن أو مكان
مافيش بديل مافيش مناص
ياتجهزوا جيش الخلاص
ياتقولوا ع العالم خلاص

احمد فؤاد نجم