القلة المندسة أحدث مجموعات فيس بوك ترفع شعار: معا من أجل أمة مندسة واحدة
 |
| القلة المندسة أحدث مجموعات فيس بوك |
اضغط هنا لتكبير الصورة
القاهرة - محرر مصراوي - استفز تكرار استخدام وسائل الاعلام الحكومية ووزارة الداخلية لتعبير "قلة مندسة" في بياناتها اللاحقة لأي اعتصامات أو إضرابات أو مظاهرات بعض الشباب المصريين المنضمين لموقع الفيس بوك على الانترنت فقرروا الرد علي هذا التعبير المتكرر بإنشاء مجموعة تحمل اسم القلة المندسة.
وقالت صحيفة البديل ان مجموعة القلة المندسة عبروا عن أنفسهم قائلين: إحنا القلة المندسة، القلة اللي بتقول الحق، القلة اللي اتعلمت كلمة لأ إحنا اللي بنحب بلدنا وبنخاف عليها إحنا اللي بنرعب الحرامية والمجرمين وكبار المسئولين إحنا اللي معندناش بلد غير مصر، مصر بلد أبونا، مصر بتاعتنا لوحدنا، هنفضل مندسين فيها غصب عن المصدر الأمني المسئول.
ولم تخل تعليقات المنضمون للمجموعة الجديدة، والذين بلغ عددهم المئات لم تخل من طرافة، فكتب أحدهم قائلا: دس.. يدس.. فهو مندس.. كل ده مبني للمجهول، طيب هو مين اللي دسهم؟
ورد آخر: أقر وأعترف وأنا بكامل الأهلية والوعي الذي لا تنفيه الجهالة أنني من المندسين.
وقالت عضوة في المجموعة: يشرفني ويشرفنا جميعا أن نكون القلة المندسة اللي بتحلم إن بلدنا تتحرر، وترجع أجمل بلد في العالم من تاني بأيدينا إن شاء الله، وقالت أخري: القلة المندسة يارب تقبلوني معاكو مندسة صغنونة.
ومن أطرف التعليقات لمن كتب يقول: من وأنا صغير وأنا بأحس إني مندس.. في المدرسة كنت مندس وسط الفصول.. ولما كبرت بقيت مندس في الجامعة.. في الأول كنت قلقان من موضوع الاندساس ده بعد كده حبيت الموضوع أوي.. ياااه إحساس جميل لما تصحي كل يوم كده تبص في المراية تلاقي نفسك مندس.. ومعا من أجل أمة واحدة مندسة.
وعلي طريقة الإعلانات كتبت واحدة تقول: أنا مندسة.. أنا فودافون، فكتب آخر: المندسين بيشجعوا مصر.. وإحنا معاهم.
أما إحدي صور المجموعة الرئيسية يعلوها عنوان قلة مندسة॥ بحجم وطن।
- تعليق: محمود
- بتاريخ: 4/17/2008 11:54:00 AM
-
لو لم اكن مندسا لوددت ان اكون مندسا
- تعليق: كلنا اسراء
- بتاريخ: 4/17/2008 11:46:00 AM
-
ي يا ريت يا مبارك يكون فى مصر 100 اسراء واللى بتعمله فيها الان ان شاء الله يتعمل فى اولادك واولاد اولادك الكلاب
ابلغ عن تعليق غير لائق- تعليق: مندس مدسوس اندساس
- بتاريخ: 4/17/2008 11:45:00 AM
-
كنت فاكر مندس كلمة وحشة لكن بعد ما عرفت معناها أنافخور جداً وأدعو الجميع ليكونوا مندسين عشان مش حينصلح حالنا إلا لو اندسينا!!
ليست هناك تعليقات:
إرسال تعليق